我過去十個月一直都享有收工既寧靜
不過好快每日返到屋企都見多左個人......
我始終唔明點解我今晚食少碟餸(我點有可能知有雞翼係焗爐度焗緊啊....)
結果反而係我俾人罵呢....

其實我真係考慮緊搬出黎住...
我大學既時候都未試過宿舍既生活
一個星期如果返屋企食個2日飯通常個2日都會好正
亦都唔會夜晚夜番少少就不停俾人煩....
不過返左工之後我覺得係公司係時間仲長過係屋企既時間....
而家都仲忍受到既
與其將金錢用係交租上面, 不如儲起黎....

我唔否認我想逃避現實
我有諗過離開一年.....
不過.....正如一年前某人同我講....
係呢段時間離開無疑係放棄左積蓄經驗的時間
一年既空白期太長....那3-4個月如何呢
本住一生人瘋狂一次的心態我真係覺得應該要做我而家諗緊既野
上年我倆十日既台灣旅行令人心醉
(坐當地人既順風車, 同當地人一齊浸溫泉, 就係因為我地去既地方夠偏遠, 先會有不一樣既體驗耶)
希望呢個旅行能成為我而家生活既動力
為此, 首先就由體力訓練起

其實...我而家應該擔心我事業上既未來先....
明明都做左10個月架啦......