2010年3月3日
繼同一套戲入戲院睇2次的經歷後(其實係year1既事lu)
今日終於達成另一個經典

今朝8點3就醒左
不過整整下都整到10點半先返到呢
反正我都唔會做lab既...
(411 d lab我有做番d架啦!!係科368我真係唔知點好...上堂d野雜亂都咩...
下下個星期既lab test都唔知點死....
難得我次次上堂都被佢關注, 唔想死俾佢睇架ma xd)

約定我開戰個個唔見左(呢d叫"不戰而逃"~係投降既一種)
所以都叫平平靜靜過左一個上午

話說...星期二我地已經決定好要睇The King's Speech
(又係好難得既齊人啊!)
但係有個人唔知到唔到wor....
所以最後決定買左咁

(5/2咁分係因為我驚有人會揀中間位...
不過如果真係得我一個人睇而又真係冇哂其他中間位既, 其實都會買架fai.....)

跟住就落左山食飯
由於fun fun一直講緊黑天鵝有幾恐怖同色情
引起左壞人既興趣
我問: 我有興趣睇, 搵日去睇啊
壞人: 好啊, 幾時啊?今日?
咁就成就左一日睇2套戲既經典啦~
仲要2套都係oscar猛片
由於唔知邊個叫我寫影評...所以都寫左d係下面

無冇人有意見之下就走左去紅辣椒度食
係我同壞人一路check緊黑天鵝場次個陣
已經有人幫我揀好左食乜
我對唸間餐廳係印象就係: 印尼炒飯唔好食
不過叫既其餘2碟都ok
就連壞人個個都好食啊
因為有我鐘意既豬頸肉同西蘭花

出到去之後
may may問我見唔見到阿宗打佢....
我企咁後真係見唔到啊
前面個人搭訕話"見唔到即係冇啦"
所以之後我亦都冇打佢(may may見唔到我打ar ma xd)
不過may may打個陣就俾佢見到xd

去到之後買戲票(都幾full wor, 好在我地留空個張冇俾人買左, 亦都順手買埋黑天鵝既)
再買埋爆谷同汽水
遲左成5分鐘入去都仲做緊廣告
咁之後就過左2個鐘
係戲院門口hea左半個鐘
(話說雖然唔係路中心, 但係都阻到人架!)
之後又去muji hea多3個字
(話說買紀念冊寫都係一個唔錯既選擇黎既)
咁就夠鐘去睇第二套lu
又係2個鐘

講下呢2套片先:
(我好像第一次寫影評...文筆怪怪的...而且只是個人感覺....大家不愛看就skip了吧)

The King's Speech


King's Speech 絕對是這次oscar的大贏家
最佳原著劇本、最佳導演、最佳影片
男主角還得了影帝的寶座
題材又是我所喜愛的歷史類
當然對呢套戲有很大的期望
所幸並沒有失望

劇情講述一個國王克服口吃的障礙
沒有激烈的發展
亦都沒有英雄式的結尾
平淡而自然, 亦帶有幽默感
也是我喜愛地方

故事對於主角如何克服口吃著墨不多
反而更著重於刻畫男主角的生活環境, 性格以及與語言治療師的感情發展(不是那種, 是友情啦~)
這種刻畫反而令片子更加耐看
不需要直接說明口吃的原因
也不需詳細說明治療的方法
觀眾自會去作出分析

劇情由許多小段落組成
每個段落都描寫著不同的情景
由一開始king's當眾演講嚴重口吃
接著到對著女兒們說故事
到初次對著治療師的單獨對話
治療期間再次對著公眾的演講
成為國王前與大臣的說話
成為國王後的宣誓
到最後最後的戰爭宣言
也都在側繪著他口吃的情況:
與人數, 親密度, 環境均有密切的關係
亦都看出一開始的治療其實主角是覺得可有可無的
到最後成為必要時
這種心理狀態也得到了描寫

其實我最喜愛的是對治療師的描寫
一開始他選話劇失敗了
以及第一次會面時公爵那惡劣的態度
都令他對皇室成員有點討厭吧(由必需在他的地方治療可看出)
直至他與皇子的對話, 發覺他也是普通人
到最後通過吵架而成為了好朋友
手法相當幽默
(ps 最好笑的是治療師的太太回家後發現國王在自己家中吧
禮貌性詢問要否用膳....得到王妃yes的答案時真的會嚇死吧
另一段最好笑的就是shitshitshitshit吧xd)
拿最佳電影也不是沒有理由的

另外真的要讚男主角的演技
他真的演活了角色吧
每一次的演講也不是口吃這麼簡單
還帶有緊張跟害怕的感覺
而且, 每一次的演講的環境不同
演出來的感覺都是截然不同
影帝的頭銜絕對是實至明歸的

不過...為什麼在一起看的人中...
好像只有我覺得造部還不錯看啊=3=....
他細膩而自然的描寫手法我是很欣賞的
可是其他人卻感覺很悶啊.....

Black Swan


要評black swan
必先知道天鵝湖的劇情吧:
奇佛雷特王子二十一歲生日時，王后希望他在隔天的慶祝舞會中挑選一位公主作為新娘。但是他卻不以為意，並和朋友們到森林中捕獵天鵝。  正當他要舉躬射箭時，白天鵝突然變成一位美麗的少女，並恐懼而哀傷地告訴王子她是奧德蒂公主，被惡魔施了法術，只能在夜晚恢復人形，但是如果有年輕男子願意愛她，並和她結婚，便可破除魔咒。王子立即發誓要永遠愛她，並邀請她參加隔天的舞會。不料，舞會當天，惡魔卻把自己的女兒黑天鵝偽裝成白天鵝奧德蒂。王子把黑天鵝當成了白天鵝奧德蒂，高興地邀她一起跳舞，並宣佈她將成為他的新娘。話才說完，惡魔和黑天鵝便消失了，這時王子卻看到絕望的白天鵝佇立在窗口。王子發現自己受騙了，匆匆忙忙趕到湖邊，卻看到白天鵝躍入湖中自殺，王子也隨著她跳入湖中。

如果要給black swan分類的話
其實我會分為驚慄懸疑類的
也不是完全沒有藝術的成份
但我個人覺得驚慄的成份比較突出
而今年的oscar影后亦都是來自這電影

先說劇情
與上一套不同....這電影是一個連貫的故事
題材並不算太創新(精神分烈的大多是也是這樣發展吧...)
不過在編劇上有些許新意的

在故事的開始時
在我眼中...主角妮娜就是一個普通的女孩
性格非常拘謹...嚴格訓練自己
一直追求著標準的完美
除了那種技術性上的完美(媽媽, 舞蹈老師均認同)
亦有追求性格上的完美(別人看起來)
可是....故事告訴我們
一開始, 妮娜就不是善良的
她會偷東西
也會耍手段
只是不會向外展現吧
而且, 這種性格也令她在團中找不到任何的朋友

成功奪取swan queen的角色後
她的世界觀就開始被破壞
她一直所相信的完美開始受到質疑
她深信自己是白天鵝, 所以能成功演活那清麗脫俗的白天鵝
可是, 那妖嬈性感的黑天鵝是她所不能理解的
很可惜的, 藝術總監卻非常看重黑天鵝的部分
甚至會為了黑天鵝而換掉主角
女主角可以耍手段拿到角色
當然其他人也同樣可以, 而當中最有機會的非"莉莉"莫屬

莉莉的性格正好與黑天鵝相配
也是因為這種吸引力, 令妮娜也想和她接近
妮娜籍著與她交流感受另一種生活態度
可是兩者也在競爭著
現實中如是, 心中的壓力則更加

最後, 妮娜通過係幻想中殺死莉莉
奪取她的性格
成功演活了黑天鵝的角色

這電影的舖排其實在水準之上
例如當中揣摩黑天鵝時
老師叫妮娜touch yourself
而妮娜在做這功課時差點被媽媽撞破
那種轉換真的是很特別
又例如主角與莉莉落pub玩樂時
女主角幻想與她發生關係
第二朝早上卻發覺被下藥了
我認為, 莉莉的確有意取締妮娜的
可是, 妮娜卻無限放大了

以上的色情片段其實運用得挺好的
可是劇中還有不少恐怖的鏡頭
其實我覺得是有濫用了
一開始搣指甲皮的那個真是太恐怖了(害我現在都不敢用搣的了)
反而後面的就顯得不是太恐怖
我真的覺得有某幾段恐怖鏡頭真的不是必須的

我最愛的片段一定是最後結尾時
主角一開始以白天鵝的身份出現
通過殺死莉莉, 主角成功取代她變身黑天鵝
而當發現那是幻想後
她與白天鵝亦都再次重疊
女主角成功演活了這種變化

最後, 主角說出了"I felt it. I was perfect"時
明白到主角甘願被自己的幻覺利用
也為這電影也畫上完美的句號

壞人似乎好鐘意黑天鵝~^^
我地以後去睇多d戲啦
在此多謝壞人請我睇呢套戲

睇完就返左屋企食飯啦

3月4日
12點幾先知有個job fair
由於有人番~所以我都番埋去
上去行左個圈
由於對d公司認識都唔深
所以都冇乜mood....

反而之後認認真真諗番好份fyp既structure
結果決定要重新執過哂d class....
如果唔係之後會好好麻煩
結果大家都留到成8點啊
咁夜就一齊食飯
不過落到去mk我真係唔知食乜好....(我有提議過半價sushi架~不過其時我都好肚餓等唔到十點架啦)
因為吉野家太多人
最後決定左係家樂下面新開個間打邊爐
要等8個位
不過好快就到我地啦

叫左最平個個(我有打黎問你地要邊個...仲要double confirm埋...話我唔應該叫最平個個人...我記住你!!xd)
真係冇乜邊個想食個d牛肉
除左第二批牛係好食d之外...真係...唉....
但係就連豬肉既質素都係時好時壞既
不過任食牛肉豬肉唔係一個重點
重點係: 任食粟米!!


雖然得90分鐘任食
但係時間都幾夠wor
食完就返左屋企

其實...我很害怕啊
總有種自己會被拋下的感覺
是我自己想太多了嗎
始終我未敢忘懷一件初中時期發生既往事
也不是未曾試過被拋下
可是....幸福過後卻難免感到非常的可怕
我知是我太敏感了
可是卻無法不去緊張

這個星期又是開心的一個星期

上個星期除了準備present以外(永遠要記得所謂"朋友"在只有我present時候在幹什麼 ??!!)
就是在準備朱古力了....


(請原諒我今年給的比較少
經過2年的教訓，今年的士多啤利朱古力的配方是最成功的[不喜歡士多啤利味的就對不起了，畢竟士多啤利朱古力是我的最愛，我不會放棄的!!]
如果還有下次的話，要改善一下賣相呢[其實我當初以為挺好看的啊...我也知沒有下次的了]
至於另一種 咖啡軟心朱古力
由於今年時間不足，又只成功了一批[而且由於咖啡粉的問題，導致品質也比上年的差了....]
所以未能給予我全部的朋友呢...)
又沒做過fyp呢.....

星期一收到人生的第一支玫瑰花


縱然不是真花...送的人也不是我的....
也還是相當開心
結果整晚都攬著這支花了(算是曬命的一種??!!雖然閃的程度及不上周街拿著一大束真花的女孩子)
其實....那晚那支花也曾經跌過在地上
還差點遺留在巴士上呢.....

星期三
就抱著大家都要present而我又不用的輕鬆心情(重復: 永遠要記得所謂"朋友"在只有我present時候在幹什麼 ??!!)
就走去弄木糠布甸


oreo不太夠呢.......

17/02
由於沒什麼東西做也hea到二半才睡
結果早起不了
十時半才回到ou
由於怕木糠布甸會融...所以立刻就分給大家吃了
其實我應該下藥在某個人的那杯= =+
(還是應該在一杯中下藥，然後叫他自己選一杯...)
最不爽(x)傷心的是有2個人居然遲到耶.....
還好你們下午一定會回來
要不然我將他們給想吃的人吃好了
反正那個人一直虎視眈眈啊??!!

吃完午飯
就繼續無所事事了
反正大家都準備好present了
那個...那個手的事件真的是事故啦~
那叫我搖了你的手這麼久也沒反應....
到最後放手的時候才不小心"亨"了下去(絕對是"引力"做成的)
結果...要問的問題都沒有問了xd

我好像不斷的影響大家的present吧....
先是不小心笑了
(我批jan時根本沒有用力吧xd....下次說話要小心點= =+)
然後電話也響了(其實那時嚇得我心臟都跳了一跳)

那時很準時的放了
一行8人就去到了九龍城
本來最初的目的地是金寶
可惜沒有枱
我們就到了金麥太
剛剛好竟有一張枱
這餐挺好吃的, 不枉我們走這樣遠啊
本來埋單每人$80
誰知踏出門口沒多少步就變成$100了啊
以免離開餐廳要走快一點.....不過不要找錯貴單才好xd

當天是元宵
當然要去吃湯圓
結果係3天內再會金滿堂
上次不想吃朱古力....結果聞到隔離枱的心太軟好香啊><
想不到3天後就吃到了^3^


好漂亮又好吃啊(可惜有更好吃的~)
這晚也是笑得好開心啊

19/02
由於這日大家要到我家玩
當然就要執得比較整齊
未食飯之前玩d正常既野
好在係佢地未到之前執好哂
早上玩既都仲係正常
之後就去買左唔多好食既phd食....
(我最憎pizza有青椒...但係佢就個個都有好多....仲有個芝心真係...)
之後玩拍烏蠅
d人係會係你拍到既情況下搶牌架!!!!
亦玩左d好恐怖既COM綿胎
除左唔跟次序亂咁出之外
遲拍個d仲要好好好好大力咁拍落黎(何生我記住你)
大家拍得快時, 縮得要仲快
某幾個人真係故意慢拍架!!!!!!
之後就去左玩有懲罰既鋤2..
不過有好多都唔係懲罰我地....係懲罰隔離枱既(要睇戲就要俾入場費架啦)
其實我好多時d牌都超好...好到可以炒起其他人....
但係唔知點解成日都代壞人受罰lor.....有冇搞錯wor...明明個幾round都係我win架ma
不過有得搞隔離枱真係好開心
我冇乜點搞angel同fun fun架.....但係可以"唧"某個人好開心
may may唔使問架....直接去啦
最後隔離枱得1個人輸左成百$$
而且佢仲要早走左.....連利事都冇....
應該唔係我屋企令佢黑架ma= =
夜晚就出左去沙田
行左好耐好耐最後係由我揀左翡翠
唔知邊個聽到話係下一張枱....明明係成60張枱.....
食完之後係may may微笑點頭贊成之下就走左去滿記
今次我又有人聽到話係下一張枱....都等左10幾個number
乜家陣係咪要同個個都話係下一張架jei....
之後就返返屋企lu

21/2
由於要返去做tutor...
又係9半就返到
唔同既係今次食左早餐先返
上完堂食完lunch
要hea...都唔係係個lab度hea啦
出去行下仲好過...
所以我地3個女仔就行左落去
先係係就黎搬既中南行左圈
為左搵d世藝(上堂)做下, 我同angel都買左個$30既摺紙set
之後再去潮特行左個圈
見到個朱古力噴泉....醒係阿媽問過我d朱古力點算
又見唔係太貴wor...就買左個番黎玩...


我用過d免調溫既黎試
唔係太成功....d朱古力唔係一片片咁流落下一層
可能係因為d朱古力唔夠稀...應該用真力就冇事既
再唔係就要去加油....但係加左就冇咁好食><
(其實計落玩一次係平過hagen daz既朱古力火鍋架bor
有興趣想玩既fd...自己搵我約時間啦!)
之後又去左朗豪行左圈
見某人竟然連杯都有興趣睇~
我就慶幸某樣野終於都唔使再係我間房阻掟啦
其實星期六個陣我已經想叫拎走佢...不過我唔記得左= =
行完朗豪就返屋企lu

22/2
難得我好早返得去(摺紙)
真係好得意好好玩
食飯個陣我放哂入個盒蓋度....
人地拎住部notebook行...我就拎住盒摺紙行, 好大對比xd
之後見完andrew之後....就打算去一間叫"糖蓮子"既甜品點
由於我地成功拉多左2個人去(我有好大功勞架~^^)
叫到成5個甜品(借一借angel既相相):
心太軟


美女與野獸(奶凍+朱古力ugly cake)


朱古力三重奏(雪糕+ugly cake+mousse)


碎朱古力梳乎里


濃情黑森林(朱古力parfait)


好開心啊...樣樣都有朱古力
樣樣我都好鐘意好好食
有咁多人先可以樣樣都食d
心太軟既軟心好食過金滿堂個個~真係好正
個ugly cake有d似Brownies
不過冇咁乾....呢個我真係好鐘意
個奶凍都好好...有好香奶味呢個就一定架啦, 而且有彈力又夠滑
而且個個都唔係太甜呢
所以之後我跟佢講上openrice投佢一票XD
仲因為咁差d漏低左個電話.....
要走返轉頭拎tim= =

原來我地一個星期已經食左3次甜品(其實我地只包括3個女仔xd, 不過另外2個人都食左2次~)
不過好想繼續食落去^3^
究竟幾時去食甜品buffet jet><
我真係邊日都得架~
其實我都幾鐘意整下d蛋糕仔...
不過奈何屋企冇焗爐 其實....我對朋友一直都真係好簡單 可能...我一直覺得朋友係自然而成 可是....走到現在..回頭一看... 怎麼好朋友的數目卻少得這麼可憐呢 好朋友真的是要雙方維繫的 至少...我希望把握現在 我不想隨便的說出我沒有好朋友這種說話 多謝我所有的大學同學 亦特別的要多謝angel吧

不知不覺間原來已經來到大學生涯的最後一年了啊(其實只剩下半年了啊)

過去的半年....亦都是我大學生活入面最開心的半年

以後可以像這樣虛度光陰的時間就只剩半年了啊



PART TIME @ CITYSUPER

上年所昐望的"旬工"今年終於有了

可是做下去卻不是有趣的事情啊

不管怎樣....20日也總算過去了啊

亦都證實了住在附近而又會探我的"朋友"真的不多??!!

(我明白大家都是忙的....不是要責怪你們啊)

真的要多謝有來探我的 宗, ck, mary yiu, andrew, 乖女oce, 乖仔柏倫(媽媽好像第一次讚你?)



12月21日@angel家

那天我們女子組先到angel家

我知道我早到是毫無建樹的啦

可是....我要強調的是....

腸仔真的不是我煎loan的啦....雖然我就是放太多油的一個....

眨眼之間....就到了全員集合的時間了

當然帶著全員期待的雪糕火鍋了(我不會承認我對火雞有任何期待的.....)

雪糕是很好吃啦...可是朱古力對我來說稍甜了些

火雞就不要再提了吧...明明只差一點我就不用吃的了

雖然後來我還吃多了半碗...可是我就是沒有勇氣把它打包.....

接著就到交換禮物的時間了

為了那份禮物....我可是忙了2個早上的

現在回想起來都覺得這是作弄自己吧.....

雖然我一早知道禮物是angel送的

收到的時候還是很開心的啊...多謝angel

最後最後....我們到尖沙咀影相

感覺就是4個model被3個龍友包圍著了

總之...那天很開心啊

多謝宗安排行程

多謝angel安排食物

多謝angel, may, kevin送的聖誕禮物

亦特別多謝kevin買的雪糕火鍋跟火雞....真的讓你破費了啊




12月28日@outback


很久未試過到工展會了...特別是只有自己一個

以往跟爸爸媽媽去時總是想快些離開啊

今年自己一個...懷著達成目的心願....看的都比較仔細了

回程時拿著3盒咖啡, 3包(15條)即食腸...

雖然不是買了很多...但感覺就是大豐收

不過最主要的目的(買禮物)沒有達到啊...都找不到合心水的

反正最後被我狂尖沙咀log-on找到了

居然還有肥皂set....明明在沙田已經斷哂貨的ma

正好一人一舊

集合時...正好我們站在地圖看板下

結果被人問了3次路了....

最好笑的是被日本人問路了...

踫巧我們真的懂日語啊

初時還用英文的...後來就直接用日語了啊

問: "いまどこ?" 答: "(指地圖)ここ"

我們就跟問路的人一起研究地圖

亦都證明了...等人, 不要站在地圖下等



等齊人後...我們就到了outback吃晚餐

初時還擔心份量會嚴重不夠的啊...可是看來是想太多了

每個人都有黑糖面包 (我剛知道原來這個是任吃的!!)

芝士薯條的份量是可以的(大推這個...才70多塊...份量絕對足夠吃飽一個人)

反而想不到...6個人也吃不掉 半份 炸洋蔥啊(現在...我還對炸洋蔥還留有一絲恐懼)

我想知...judy你打包回去的炸洋蔥還可以嗎

主菜的份量對比下就比較少(只是相比哦...其實分量還是足夠一個人吃的)

每個人埋單一百多...可是很飽的啊

雖然那天我們沒有玩什麼...可是很溫馨的啊

多謝出席的每一位




1月3-5日@梅窩

經過多日來的辛苦工作...終於來到去camp的日子了

在此特別多謝柏倫將行程食宿一手包辦...沒有你....camp是去不成的

尤其是發現去的人數被預期中少時...我明白你一定是最憂鬱的啊

雖然這或是我與你們的最後一個camp....可是我卻沒有幫上忙啊

在此亦多謝出席的每一位...雖然有數人都未能參與全程

但就是因為有你們, 這個camp才會順利啊

(話說沒有去的人!!原本我打算叫你們每人交一千字既report解釋的, 不過事隔咁耐, 就放過你們啦)



第一天的早上對不起我遲到了><因為實在是睡不夠啊><

去到集合點發現2個驚異的事實...

1. 某個人的髮型(怎麼電曲成這個了囧...我發誓我有在相中見過我爸爸有這個髮型)

2. (被迫(x)自願?!)穿短袖t shirt的壯男(那天大埔跟流浮山最低可是有9度耶...那幾天我穿長袖都不暖...而大部分時間穿短袖的你居然沒有病...我服了)

由於梅窩是一個有文明既地方, 我地唔使哂時間係中環買食物

去到梅窩後, 當然先把袋子御下...

還記得走在海濱長廊時那種寒風刺骨的感覺嗎(在此再次佩服某人)



終於去到營舍下了

有2條樓梯, 1條有光, 1條沒有光....原來沒有光的那條才是我們要住的9座

鎖匙就放在地毯下

入到去...雖然地方不大, 亦因如此, 有一種溫暖的感覺

有2間房(1間有鎖...另1間沒有), 每間房有一張雙人床, 加上廳又有一張雙人床一張sofa...總共7個床位



其後我們照原路到碼頭附近的一間茶餐廳

8個人中有6人叫了朱古力...都沒有朱古力味的啊

之後就去了買bbq用品(在此再次多謝柏倫包底)

為了節省人力和物力...是次bbq採用美式

即是我可以避開了我最最討厭的過程了~yeah~



回去後他們就開始手痕了....

還記得那張麻雀枱有多恐怖嗎....黑色一點一點的佈滿半張枱....是發了霉了嗎

最好笑的是....找到了一張麻雀紙....一邊有奶茶?(咖啡?)漬...而另一邊有一個清析的鞋印

始終都要選一邊的啊xd




之後, 為sohan而設(什麼?好像我也不憧?沒關係我看看就好)的麻雀教學班就開始了

亦都恭喜某人成功做到人生的第一個十三么(好可惜今次個教學係開牌打既)

我就在呢個時間與寒冷的水博鬥(洗碗)

不久後sohan也加入我的行列(bbq的食物當然要洗淨)



轉眼間就到了開爐的時間了...由於佢地仲未打完...

當然我們就先吃了(我們有留食物給他們~炭化了的那種)

由於大家都不想沾上bbq的味道...全部人都沒有穿外套啊(這就出現了第二個短袖t的壯男)...

(插歌: 風~繼續吹~)

基本上食物除了金菇外都不是熱的....我整晚都打著冷顫啊....



食物吃得七七八八後就回到室內了

在大家討論著沖涼的次序時...「辣撻B」就悄悄的降臨我們中間

在辣撻B作出抵抗時...hiro亦都激動(當然激動啊!誰要跟辣撻B同床共寢)的回應: 「你又唔洗頭又唔刷牙, 仲唔係辣撻B?」

亦都在我地的威逼(?)之下....辣撻B作出暫時性的投降(即是她 這天 有洗頭刷牙哦!)

不知不覺間就到了睡覺(?)的時間了



我們不是不比你地安安樂樂咁訓覺...只係覺得你地再蓋被子就會太熱之ma

好人當賊辦

2個人除左好似瘟神(門神係正面既...所以用瘟神)咁棟係房門口(蓋住被)...仲要持著自己手長腳長以暴力推倒我們...唔比我地出入

(話說...見證他們惡行那張相片好像不見了的?)

當我們作出讓步時...仲試圖開風扇吹我地...用手搞我地...係都唔比我地作出休戰

最最嚴重的是...阻住hiro訓覺

明明無辜的她只想睡覺跟吃宵夜之ma(其實不停搶了hiro被子的好像是我...真的是不小心啦..)

要搞清楚究竟邊個先係人面獸心啊

在1.5小時後...我們終於都達成停戰協議

不過...我們的報仇戰爭亦都開始了

這次我們選擇逐個擊破

1. 搶去訓sofa那個的枕頭, 再扑落去

行動雖然成功...但沒有什麼效果...所以行動升級

2. 搶去訓sofa那個的枕頭, 再朝另一個扔去

行動成功了一半...由於訓sofa的人提早發現我們

在行動前就主動讓開...並以無奈的語氣道:「你地玩夠未啊..」

由於他們已有了警覺性...所以我們唯有以真弄假...睡覺去~



第二日

早上先吃了宵夜

接著單車訓練班就開始了

好像大家都在等我學懂啊...真是對不起....

而且我的車好像專向某個人撞去啊...(是受到大家的慫恿??)

結果...直到食午餐時...我還完全不會啊

今天大家都受到昨天的教訓....轉飲華田了

吃食飯

買了雞蛋布丁回去弄...

結果不小心將6碗水變成12碗水了xd

之後又到了踩單車的時間

由於我連基本的都不會...所有還不用受到星級名師的教導ma

自己一個的練習最後終於有所成果...叫做識少少啦

多謝教過我既每一位仔女



這晚...我們決定打邊爐

在單車組去東走西走去買送時....我, sohan, jj, 聰就先行休息了

休息沒多久就又要預備食材了啊...

大家返到後...我就坐下等食了

由於得一個石油氣爐...某2個人就負責煮俾大家食啦

雖然佢地據稱有中飽私囊.....結果還是有食物剩下啊

(2個西生菜當然吃不完啊...想不到肥牛也有剩啊...)

最後...當然就以阿聰果句「我又唔係BB」作一個完美的句號



送走了阿聰hiro之後

我們就到附近的沙灘去

途中還在一個for 12歲以下既公園玩一玩

我們就坐在唯一的一張枱談天

可是由於周圍荒蕪且寒冷...我們很快就起程回去了

(柏倫不要灰心啊...在冬天, 晚上, 寒冷的沙灘中真的是沒有正常人想玩集體遊戲的)


沖完涼當然就準備訓覺啦

(某2人亦都正式化身為辣撻B混入我們當中)

由於應承了柏倫我會煲湯...所以事先準備了湯包....多謝那些等到3點鐘的人

由於我和sohan真的太累了, 今晚就放過你們...亦都放過自己

早上聽到「可以一覺訓到天光真係一個奇蹟」時真有點不甘心啊



第三日...吃完早餐後

我們居然還有精力看 借東西的小矮人

看完後還吃了一個kfc呢

最後...始終都是要散的

再次多謝出席的每一位




1月19日

這就是所謂的自作自受?

第一份draft起得太遲...

果然需要大幅度修改啊(或者叫 重做 會貼切d)

加上不幸地19日需要上堂...

結果被迫要通頂的做完他

人生中第一次為學業通頂啊....

就算不停的想不停的打...放棄了2幅圖

結果也做到8時啊

連幾時日出我都無印象

多謝一個陪我msn陪到5點既人(雖然我唔知點解佢唔好似唔使做report咁= =)



最後...我爭取時間訓左45分鐘(我本身打算閉目養神...點知真係訓左...起身個下好辛苦)

之後就去上堂lu...好在今堂係教d最簡單既javascript...唔使用腦

趁1個鐘頭lunch火速上去見andrew

八個字之後終於食到lunch

一手拎住雞翼食而另一隻手打住電腦, 真係好忙架

食(執report)唔夠十五分鐘之後又要再去上堂

上完堂後又趕返去執report

呢日真係太累....

結果夜晚仲走左去睇戲(機密邂逅, 一套睇開頭就知結局既戲...好在有靚女靚仔, 如果唔係一早就訓左)

呢d咁既生活再黎多幾日都真係會死

睇黎我份final report要早d開始做先得...



話說我份fyp會做成點呢...

我都知我做得少

雖然話左會做到幾多得幾多

但係樣樣野都要研究, 樣樣都好似唔知點做好

時間就真係唔夠.....唉

2月10號個present點算呢....



1月27日

一個讓人死左既日子

被人叫(呃?!)左準時8點番到去食早餐(唔該個個人快d換電話啦...)

食完早餐就到lab test

唔多想提...唉

淨係要多謝andy lau救左我

之後就去hea到食飯(搽hand cream隻手係唔會爛架!!)

聽完seminar之後就繼續hea

仲食左個tea(calvin tsui請既...佢抽中左幾千wor...我一定會記得要做既野既~)

之後仲玩左d好無聊既野xd

(我個支筆點睇個攻擊性都高過你個支, 你隻手長過我之ma, 明明係你打我先)

之後就夠鐘去食團年飯啦

間cafe環境其實都唔錯既

玩COM綿胎個陣真係好唔公平xd

雖然我唔係最遠個個...

但係may, kevin, hanon你地3個隻手不停係牌上面fing來fing去不特至..仲要撞來撞去...

我同angel, cindy都唔知點拍好= =

之後唱左幾首歌

就差唔多夠鐘走lu

多謝alex安排呢晚既一切



1月28日

終於放假啦...不過第一日當然要出街玩下

本來諗住早d出去打番幾舖機調整下心情既

不過由於時間改早左

結果打左一次太鼓angel就到左啦

即刻趕過去搵佢

等齊人之後就去左紅蔥頭食lunch

第一次去食...真係俾個menu嚇親

4頁既menu樣樣都差唔多...又冇咩分類wor

我都揀左成2個字...真係唔知d有選擇困難症既人點好...

食完就去左揀衫啦

一班人入左izzue...

一連拎左10幾年衫俾佢拎入試身室

基本上見到好似ok就塞左入去, 同一個款但係唔同顏色都拎埋

就好似玩緊barbie公仔咁(唔同既係, 呢個公仔識自己換衫xd)

結果除左衫之外, 仲買左條褲

其中一件仲要係限量板t shirt

即係佢一個人total 買左6件啊(買5件就50%off, 不過由於件t唔計, 所以多買左件)

埋單2000唔使

d新衫真係幾好睇, 記住要著多d~

我最期待紅色個件(我知有2件, 2件都好好睇架, 不過新年當然要sharp d啦)



之後就去左影相

影完就行去2000yen

係門口坐左成9個字

一大班人食放題真係開心

樣樣都有得食d...份量又唔會多wor

我仲食左成半板海膽(不過都幾腥下)

唔想食既野仲可以俾其他人食

放題時間"咻"一聲就過左

係咪大家想眾多d舊呢...先每經過一個燈口就停一停

(我好似聽到有人話想等下會唔會轉紅燈xd)

之後又去左影相

景地依舊, 人就唔同左

不過都一樣咁開心~

可以係做學生既最後一年同你地一齊食飯, 真係好開心好幸運




其實呢半年真係好開心

先係過左個好開心好多人陪既生日

而家亦都過左個好開心既聖誕+新年

其實都仲有其他珍貴既回憶

就好似買完6合彩之後, 有人爆褲, 個loan仲要有成10cm咁長

明明都買左富架啦, 咁都唔中wor

咁你爆黎做乜架

亦都再次多謝呢幾日送左禮物俾我既人




重要!!!!!!!!!

就黎新年啦~

我要去你地屋企拜年啊~

快d約時間啦~~~~!!!



最後說的是....上一篇關於ocamp的

其實我一早已經完成了(對不起柏倫....)

只是總覺得有地方要修改...結果修修下就沒了回事

所以....亦籍這個機會放上blog中

有興趣又有時間的.....不況去補完吧

於我寫ocamp感言前
請容我花上少許時間寫實習感言先

在那兒(隱藏, 免被打)的實習真的是一整片的歡樂
最...最重要的是......竟然有三點三啊
而且點心包羅萬有.....有中有西....有西餅蛋tat....亦有燒賣春卷 (我好像胖了2磅)
四個人擠在一間小空間是有點擠~可是卻相當快樂
還記得一起看”康熙來了”的每一天嗎

在實習期內亦都認識了三位好朋友
阿昌~我們本來已經很熟的吧.....
實習之後就更熟了
只能說.....你是一個好人(要不要我發張證明卡給你xd)
bean”姐”~實習之後就完全了解你的”真”性情了啊
(為什麼整天叫人掃街)
好多謝你成日買蛋tat, 魚仔餅, 香口膠給我們 (都是零食??)
又經常分享你的午餐 (又是食...)
又為我們抄game list(沒記錯是多達300隻??!!)抄食譜和在ipod down game~
可是....你的毒舌真的經常令我有被傷害的感覺!!??
(我的頭髮不像你媽吧><)
還有....你口口聲聲說不吃魚(正確為: 魚的形狀的物體)
可是每次有關魚的食物你都有吃.....我(們?)真的很有興趣知道你究竟不吃什麼魚
Gloria~第一句說話是很行的: ”我們以前在哪見過嗎?” (雖然我不是男的又不是搭訕)
幸好我們真的在bu的就職典禮見過啊
開始是你的程式知識真的令我傻眼了耶~
還好你的學習能力相當好....(要不是我會抓狂的吧)
受你的感染我愛上玩cookie dozer.....亦開始看康熙
希望你能將實習學到的應用在fyp身上...(不要跟我說你忘了xd)
我會找時間到bu仰慕一下你們的iMac的

什麼?問我在實習中學到什麼??
好像.....沒有太多......(開始後悔選了php...其餘二人都學到了vba和vb.net了)
學懂了不同的思維方式吧 (因為我已是第三手了)
亦了解到versioning跟documentation的重要性
(上手的....documentation有可能用2頁紙完成嗎(重點是....不齊全).....還有...database內有數個relation都沒用.....亦有n個attribute內的data都是null的...variable的命名才是最o的...什麼y, yy, zz.......我看不懂) 害我足足花了一個星期才理解你的架構.....亦害我重做了某幾個function (雖然最終由於時間不足......只補完了documentation.....program內都沒加什麼comment.....下一手的~加油吧)
另外...我真的很有興趣知道...上手的拿這來當fyp可以得到什麼分數??

最後還是多謝阿bean
那天玩得很開心....我人生中第一次踏二人單車
亦難得的玩了ps3 (我fd都只有ps2, xbox跟wii)
希望你能盡快熟練bass....期待你下一次的演奏

原來到此已過700字.....
開始入正題了吧

記得第一次被邀當組媽...是在父親節的那一天吧
及後第一次致電我的時候.....我亦沒打算要去....
坦白說.....上年ocamp的陰影....加上沒啥朋友去
另外自覺不是當組媽的料....那幹嘛要去?

其後....是JJ邀請我當組媽的
(是fd的都應該知道我不太會拒絕朋友的再三請求
另外.....我到現在亦想不明白為什麼JJ想當組爸(性格內向??).....還要是電腦的組爸(不是nursing?)
而又為什麼能成功迫走小平當組爸??? 煩請解答)
(P.S 其實你跟我說過了~此題就此作罷)

其實....對於組媽一職...我是真的害怕的
組爸與組媽均是性格內向的
我們均不像angel(angle?xd), 阿昌般善解人意, 樂於傾談
亦不像andrew那樣充滿創意....擅於搞氣氛
我們的家庭前景會是怎樣....有可能不擔心嗎??
(幸好當中還有個小平)

自我介紹時....我真的很努力的想要記住你們的人名.....(坐位)順序!!
至少非常成功的記了名字: (右手邊)Sohan, Oceana(唯二的女孩子....我不會倒轉了這2個吧??!!), 聰(愛黏著JJ的就是!?), 柏倫(這個易認~那麼高(190cm)誰會認不了), YC(總有帽子), Dixon(最大隻), 阿傑跟阿輝(其實這兩個我初時覺得很像.....初時!就真的只是初時!)

記得剛開始想組名及口號時
全組啞口無言的時候.....
我還真的緊張至腦子一片空白
聽過的歌曲(雖然都是動畫)看過日劇(不多)忘得一乾二淨
JJ你還要說”你地諗啦”......這句真的讓我有種想ko你的衝動啊
你是不擅長於想idea....可是我同樣也不擅長啊....你可不要把責任都推到我身上
幸好.....最終有人想出”Money部”(是誰想的?yc定傑?)
又有人聯想起no money = no body(又是yc想的?)
再加上半唱半跳的cross over....第一關總算是成功完成
(話說.....有人看出我的那時的表現是裝出來的.....手都快要震了
另外.....有人發現我直至city hunt後還未能將兒子們的名字跟樣貌配對嗎?
P.S 其實.....如果那時兒子失散了我應該不知道失散的是誰啊.....
我是真的很不擅長記人的><

其次是city hunt....
第一個全組合作的竟然是圍堵雪兒吧......鬼叫你不給卡片
擾攘了15分鐘都是得個桔....還要遲了出發啊
那天的天氣高達34度
最辛苦的應該是在中環吧.....找菜檔買棵蔥都找了接近半小時
(不得不說說的是: 負責人不知道中環街市早已不存在!!.....你們有pre過嗎?)
問路時的回應還真是冷漠啊....早知就打回工作地點問Rosanne/Janet都比較好吧
中環同銅鑼灣的很有趣....一個男的剛在紅棉路與一女求婚....轉頭就到sogo與另一女子分手了xd
另外.....找不到打psp的女士怎辦??找一個打psp的男士.....再將他的psp借給另一名女士
還有...我覺得最瘀的不是什麼當眾唱歌........而是給了歌詞都不會唱.....
新版警訊的主題曲我都沒聽過......還要”讀”足全首??
最後.....由於taxi司機不熟路.....害我們由遲10分鐘變成15分鐘

晚上的bbq....反正我不喜歡bbq
也就沒什麼好說啦

Bbq後洗好澡....本打算到莊員房間玩房game的....
可是....一進去我的女兒們就走掉了
幸好不夠五分鐘後我就籍電話也走了
(其實....就算掛線後我也不會回去.....
以為三十多人一起玩房game真的好嗎.......其實high的只有數人吧)
正當我為房間內的情況申冤時.....曙光真的出現了
女兒們找我去玩房game時~我立即就沖下去玩了

在下面的時候.....狼人規則說了一遍又一遍
人數一次又一次的增加.....
到了樓上的時候.....人數立即暴增至19人囧.....
什麼.....我參與的時候最多只有12人啊.....人物卡都沒怎用....
突然間叫我host 18人的....是想我死嗎(喉嚨喂腦袋都是)= =
所以......初時真的很混亂很混亂(誰是守衛? 誰又是女巫? 混亂狀態中@@).....實在太對不起了
(話說當了我當mc說了三個小時的話(沒飲水).....站了三個小時......
第二天的喉嚨還真是沙了......算了
大家開心就好^^)

第二天.....我七點三就起床了
雖然早就洗好臉擦好牙了.....我的女兒們亦相當自動自覺起床(很好good job~)
心想讓還未起來的新生訓多一點.....可是卻不小心預得太遲
結果我於八時半才到達餐廳.......
亦令到我的家庭成員呆坐了超過十五分鐘.....真的很抱歉><
(當初叫兩位女兒先走就是不要等我啊.....結果還是等了.....真不好意思啊= =)

早上遊戲的玩法與上年的大同小異....
分數被人追上是不打緊的
只要開心, 團結的就好
就這樣就到了午餐後了
(話說sohan真的很厲害, 別的女子都做sit-up啊= =)

到了下午的treasure hunt......真的有軍訓的感覺啊= =
在半個小時內....我們就連續的跑了9條樓梯(每條100m左右??!!)
(其實....ocamp後的酸痛根本全是跑樓梯得來的><)
原來.....”all the eggs in one basket”是孤注一擲.......
(話說...直到最後.....我還不知道究竟造遊戲是怎樣記分的= =)

還是treasure hunt完結後才比較有趣
才回房沒多久......就立即決定執行突擊男子行動
果然拍到不少有趣的照片xddd
爭取時間玩狼人(又是作mc....)
被人三催四請的請到樓上投票 (其實你不催的話我們可玩得快一點的...)
和sohan女兒一齊手殘 (可以挾飯但是自己吃不到)
Yc, Dixon是腳殘 (只要坐著就沒有影響)
組爸是四肢均殘 (廢了?)
阿傑是眼盲 (有人挾餸就可以自己吃飯)
阿輝是手指殘 (這個竟也可以自己吃飯?)
柏倫阿聰是連體人(很噁心的xd)
而我另一個女兒oce, 接連著抽到白痴的不幸....很成功的抽到腦殘xd
雖然我們家庭比起其他是比較慢比較細動作
可是我們吃得很乾淨啊

吃完飯後
就開始跳camp fire了
(其實.....教學的部分真的很差....)
狂歡跟小新這2首是的早已熟悉的
雞鴨舞沒有音樂始終欠缺些什麼= =
I’d like to move it就根本不適合吧)
不知是否沒有真火的關係....氣氛好像不太夠呢(還是我上年自high??!!)
直至官方宣告完結....大部份人散場的時候
音樂又突然間響起
其實....我當時是真的很累了.....
不過可能是我想找回上年的感覺
看著看著...就決定加入了
開心的是~我的兒女在我加入之後
竟也陸陸續續的加入了~這種感覺真的很感動
尤其在裝水之時....你們跟我說你們真的很享受跳舞
我心底真的很高興啊
(P.S 其實真的回憶起上年的情景, 尤其我是從火起看到火滅的人啊
縱使舞蹈步法已忘得七七八八, 但那熊熊烈火的印象還真是深刻啊
不知我的子女們未來能有此機會嗎...真的想給你們看看)

營火後就是全camp的....高潮??!!
沿路上不停有人問我們一行五人去哪...(都已解釋了5次....我真的不想再說了~.~)
到達時才發現.....真的鎖門了(要不然沖涼沖到一半鎖門嗎....)
有人不想空手而回.....提議我們到洗手盤....洗頭??!!
整個畫面看起來就是犯罪現場啊~亦證實了現場沒有攝錄器材(保安會來吧....)
生平第一次被人(髮型師/媽媽不算啦)洗頭.....亦是生平第一次幫人洗頭(媽媽埇兒女洗頭好像是天公地道)
很可惜最後只有3個人洗頭了.....
不知明天來bbq的人發現洗手盤有泡泡會作何感想
p.s 回去後真的有人問我為什麼頭是濕的......”秘密~”
而且.....頭是洗了~沖還是要沖的
(p.s. 結果我4-5號去camp時.....由於沖涼間水壓不足....我真的要在洗手盤過水了....這叫預習??)

當晚我們沒有玩狼人....一直的在談心事
內容?當然是秘密啦
此時此刻.....我才發現....
原來我其中的二個子女.....是變態的m......
還有.....為什麼你們的生日都比我早><
p.s. 之後....我有跟我男友玩那個啦.....他打人都超痛的......你們的是小兒科啊><
累了就跟女兒霸佔了一張床.....兩個兒子亦在另一張床(抱著??)一起睡了

第3天...我真的六時就起床了....再睡才通知要起來早操
結果其實都是跳2句啊.....很累呢
早餐後就到分享.......亦是我們全組玩樂的最後時間了
看到兒子身上面上充滿字後.....亦忍不住加上”白痴”上去
幸好我們雖不是最後贏家.....亦不是最後輸家
當然就不用大懲罰了(今年的懲罰據稱比上年好?)
最後看片段時....雖然我們的相片特別少.....也足夠令我眼紅紅了
結果....最先哭出來的是我其中一個女兒....
都不要哭啊~我們一定會再次去camp的~一定啊

解散後大家決定要完成city hunt的最後任務
....到b仔涼粉~
亦證實我真的真的很很很很討厭榴槤><

歸家後.....當然要add好大家的msn跟fb才睡啊

這3天......家人的感情真的由0開始慢慢培養起來的
子女們由起初的互不談天.....到慢慢加深.....到最後團結一致
或者是因為我們家庭的成員都比較內向.....
真的多戲眾子女帶給我開心的3天

日期: 12/12 – 3/1

時間: 每天9.5小時(包lunch)...沒有休息時間

職位: X’Mas Helper

地點: IFC CitySuper Bakery

人工: $32@hr....完成合約有$1200

工作: 洗盤/鉗 (在廚房用布+洗潔精清洗後用乾布抹乾)

          紮包 (將已切好及放進膠袋中的方包預先封口)

      pack包 (在收銀處將包放進雪袋)

          清洗櫃子 (要用濕布及紙巾+酒精 各抹一次)

 

一個月不夠....我已忘了大部分事情囧.....

只記得第一天.......在企了8.5小時.....腿很痛的狀態下

哭了不知多少次...第二天完全就是哭著去上班的

 

頭一個星期......洗盤的時間超過50%.....

在頭腦空閒的時間入面.....思想完全鑽牛角尖

那時相信...一個星期已是極限

(尤其還發生被告知19日有假放.....到17日就告訴你沒有了)

 

能捱到完結的確是很不容易....18號完全是轉捩點啊

來說一些開心的事情先吧

 

衣服

取錄時.....

不要告訴我你不知道面包部的人要換衫的

我花了數百玩買你所謂的白色polo...黑褲.....甚至黑鞋.....

才剛報到就要換衫.....連鞋也不是黑色....

不就是擺明玩我ma><

衣服很多配件呢....有帽又有衫....有褲又有頸巾.....又有圍裙...

害我每天都要早到20分鐘~是20分鐘耶~ (是換衫後才打卡)

多浪費時間><

對比其他helper的一條圍裙....完全是差天共地

看圖:

 

衣服是大碼的.....

另每天需帶備髮網(因本人頭髮太短)及髮夾

最重要的是....更衣室實在太小了><

 

返工

每天帶衣服, 髮夾, 飯盒

車程45分鐘(mtr轉轉轉)~加上換衫那20分鐘

差不多1.25小時......

從citysuper傍的門進去....

在貨場先將飯盒放雪櫃

接著到更衣室穿好衣服

之後將銀包電話紙巾塞到褲袋

換下的衣物塞在環保袋放更衣室內是但一角

接著回到貨場把袋子放好

(由於太多helper.....袋子會被人壓到最低...所以我都不把袋子放箱內或櫃上)

接著再到洗手間拍門(我沒匙啊~當然要拍門)

Set好頭後就打卡開工了

由於super叫我”準時”開工”準時”收工(即是不要早亦不要遲)

所是我不會早打卡.....結果被一個看更害了

1月1那天....不知那個xyz以為我完約了...收起我張卡

看更由58分找到01分才找回......遲到了啦我

 

工作

平面圖~紅色圈圈是我會站的地方

初時的確覺得洗盤很痛苦.....30隻盤已重得很xyz了

還要不斷的拿進廚房...洗完再拿出來(當然.....不要指望是別人幫拿啊)

加上那不斷舉起盤子, 洗, 抹的動作(忘了說.....都是站著的)

根本說不上是手部運動而是手部勞損.....

直止發現洗盤的好處如下:

1.      可以放鬆手情(腦部可完全空白)

2.      可以hea下 (在非繁忙時間可以放慢動作......)

3.      可以和師傅閒聊

(其實頭七天我和師傅都還是毫無交集的....連”hello”都不說....真的)

4.      可以sms (店內唯一可以sms的地方....)~

想一想......其實跟夢想的hea工差不了多少.....

除了需要(些少??!!)體力勞動外.....

 

紮包....沒什麼好說的

每日不超過3次.....每次不超過1小時

反正就是佔很短的時間....

31號我7.30就要回去是因為那天要紮的包特別多

_{而且.....這是個最不河蟹的位子..你們吵也不要把我放中間..}

 

pack包....很繁忙的工作....

在沒有人的時間(即是沒有人在店內)

要轉去做其他的工作...如紮包

而在繁忙時間時......根本就做不了其他事情....

要pack既包無窮無盡啊

還好....由於有收銀姐姐在(我還未看過有收銀哥哥....)

我可以和收銀聊聊天打發下時間

可惜....嘻嘻哈哈是會被super罵......

 

午餐

每個部門食飯的時間都不同的

我們面包的就分散在12點至5點左右.....每2個人一組

即是說.....我返11時就食2點......12時食3點......1時?3點半

亦即時....我返工不到3小時就吃飯....之後正落6.5小時(連回家時間)

對其他部門來說是比較k型的...因為lunch多是放中間

另外.....入面既荼水間真是細得可憐.....

目測.....8格x 6格...位子12-16張

2個微波爐....(完全不夠.....有一日我叮個反有3個人排隊....等了15分鐘)

員工可是有百多人啦~午飯都迫到沒心情

而且....ifc內外地人特多.....整天都聽到印尼話....煩啊

幸好~還有p4的平台(相信是全香港區風景最美的公共空間)

雖然被我們這些員工弄成canteen啦(由於我怕set頭....所以基本上我除帽子不除髮網衣服就沖上去......)

有次我忘記帶飯....我還以此驚嚇裝速飄到m記

看圖去:

 
誰寫的啊?use bread? long time timer?
大家一齊prove read一下吧

我吃飯的地方
星期日及公眾假期會關閉的哦

星期日及公眾假期我吃飯的地方

由p4看出的風景

我的吃飯裝備

那個是所謂的"藝術品"

那個bar呢~會有發佈會的~那天我還看到ella和fiona

大家有幸經過一定要去看看